Splurge vs. Save: What's it going to be?

I am sure that every fashionista faces the same problem each season - how can I buy all the things I like and still not go over budget? Well, there is an answer to that.

Thanks to emerging high-street brands such as Zara, Mango and H&M that have spread all around the world, you can now have the season's IT pieces without shelling too much of your own payment. 

Coincidentally, Credit Card Insider also thinks the same way and encourages fashion bloggers around the world to share their "bargain" stories and feature an item they've recently bought for a low price, as opposed to the original designer piece. The latest item I've snagged is this gorgeous T-shirt from Zara that is inspired by Céline's S/S '14 collection. 

Zara's Céline inspired T-shirt on the left vs. the original designer collection

You can also have the T-shirt for only 22€ while the Céline will set you back over 1.000€ per item.

Do you have a "bargain" story you'd like to share?

Антонија Ристовска П/Л ’14: Арт деко со вкус на Бургер кинг

Антонија Ристовска П/Л '14, фото: А.Д.

Вчеравечер македонската модна елита го доживеа својот “њујоршки момент“. Како што американскиот миленик Александар Ванг оваа сезона ја довлечка својата пуб-лика во Бруклин, така и модната дизајнерка Антонија Ристовска за дваесеттиот јубилеј нè однесе во “центарот на лежерната мода“ Аеродром. Иако гостите не го испочитуваа “дромскиот“ дрес-код на тренирки и патики, сепак за време на ревијата беа опкружени со урбаното чувство на овој дел од градот благодарение на Бургер кинг и Чилбокс чијшто мирис на брза храна се мешаше со гламурот на парчињата.

Преку годините Ристовска докажа дека не е креативец кој се плаши од експерименти-рање со нови техники – пример за тоа се нејзините најуспешни колекции од прет-ходната декада каде што таа игра со тра-диционалните везови, асиметричното плисе и плетките, па така и овојпат презеде ризик кој, за жал, не секогаш се исплати. Инспирирана од правецот на строгите геометриски форми арт деко, дизајнерката во некои парчиња инкорпорираше тродимензионални коцки кои иронично постигнаа спротивен ефект и се изгубија помеѓу многу подоминантните рачно изработени рози, но, на места архитектонскиот пристап овозможи подобра конструкција и внесе свежина во колекцијата.

Она на што човек може да се обложи пред секоја ревија на Ристовска е дека парчи-њата ќе бидат одлично изработени, па и овојпат никој не го изгуби влогот, но изборот на бои и материјали варираше од еден екстрем до друг, овозможувајќи неконвен-ционален спој на две противставени идеи. Како што колекцијата прогресираше, така напредуваше и квалитетот на материјалите, па кон крајот видовме неколку пара одлично скроени панталони со речиси невидливи рабови и класични црно-бели тоалети надополнети со копчиња и накит со дизајнерски потпис кои умешно ги засенија Барби-палетата на бои и полуматурските кратки фустанчиња што ги видовме на почетокот.

На крајот од денот, неспорно е дека Антонија Ристовска е една успешна македонска модна дизајнерка со препознатлив женствен стил и дваесет години на македонската сцена, па и не е толку важно дали сезонските ризици се исплатиле или не кога нејзината клиентела постојано ќе се враќа барајќи ги лелеавите тоалети кои се неизбежен дел од ДНК на брендот. Како што многумина се согласуваат, подобро е да бидеш иновативен и во центарот на вниманието, отколку постојано да си здодевен.

Ирина Тошева П/Л '14: Калеидоскопски поглед кон минатото

Ирина Тошева П/Л '14, фото: А.Д.

По нејзината најнова ревија, која како и секогаш се фокусира на едноставни парчиња чијшто печат е носливоста, дизајнерката Ирина Тошева беше „обвинета“ за комерцијализам. Да разјаснеме – комерцијализмот во светски рамки ретко се употребува во негативна конотација бидејќи примарната цел на модниот бизнис е да остварува профит, а во случајот на Тошева не може да се употреби во својата буквална смисла бидејќи дизајнерката изработува по најмногу три до четири дупликати од секое парче кое се нашло на модната писта без можност за масовно производство.

Можеби најсоодветниот термин за именување на нејзиниот стил – иако не сум љубител на етикетирањето, би бил минимализам на италијански начин. Тошева, исто како и своите колеги Бобан Илиевски и Александра Митковска, завршила моден дизајн во Италија кајшто се негуваат функционалноста и можноста парчињата да се носат во секоја прилика.

Тоа е токму она што дизајнерката ни го прикажа во пролетната колекција на Скопскиот моден викенд која главно се состои од комбинезони и кратки фустанчиња во впечатливи бои, надополнети со шарен дезен кој влечи инспирација од тапетите во седумдесеттите години и калеидоскопските геометриски фигури. Силната страна на колекцијата особено ја истакнуваат структуираните комбинезони со асиметричен дизајн на грбот – тренд што се појави и кај овосезонската колекција на Росица Мршиќ, нежните парчиња од ласерски сработен жоржет и кружните очила за сонце со поларизирани триаголни стакла кои се преливаат во различни нијанси.

Она што не е забележливо од далеку, а е битна нишка која ја пренесува приказната од едно на друго парче во колекцијата, е разнобојниот светкав конец на рабовите кој во добар дел го балансира недостигот од иновативни кроеви и симетрични силуети на одредени места доколку се одземат бојата и дезенот. Но, на крајот од денот, Тошева најдобро ја познава сопствената клиентела која е очигледно приврзаничка на впечатливиот минимализам и не ја интересира сложеноста на кроевите, па тоа сезона по сезона одлично ѝ го нуди.